Поиск

Полнотекстовый поиск:
Где искать:
везде
только в названии
только в тексте
Выводить:
описание
слова в тексте
только заголовок

Рекомендуем ознакомиться

'Документ'
Мякоть плодов белая,рыхлая,нежная,крупнозернистая,сочная,кисло-сладкого вкуса,со слабым ароматом.Съемная зрелость наступает в первой декаде августа,со...полностью>>
'Документ'
Формирование правильной речи ребенка является одной из основных задач дошкольного образования. Однако динамический анализ практической ситуации за пос...полностью>>
'Документ'
КОНКУРС ПРОЕКТОВ ПО НОМИНАЦИЯМ: «Гражданское общество», «Историческая память», «Добровольчество», «КВН», «Ты-предприниматель», «ТОС», «НТТМ и робототе...полностью>>
'Документ'
работы Региональной общественной приемной Председателя Партии Д.А. Медведева в Удмуртской Республике и общественных приемных местных отделений Партии ...полностью>>

Главная > Документ

Сохрани ссылку в одной из сетей:
Информация о документе
Дата добавления:
Размер:
Доступные форматы для скачивания:

Акафист преподобной Марии Египетской

Кондак 1

Избранной Богом от падшаго рода, подвигом тяжким стяжавшей велию славу на небеси, мы, земнороднии, смиренно взываем: святая Марие, моли за нас Господа Бога, да исхитит нас из рова страстей, похвальная ти воспевающих:

Радуйся, Преподобная Мати Марие, от страсти плотския нас избавляющая.

Икос 1

Ангели изумевшася внезапной перемене в тебе, Преподобная Мати, како ты во единем часе оставила еси широкий путь, ведущий в пагубу, и вступила на узкую стезю спасения. Приими от нас, Угоднице Христова, сие радостное пение:

Радуйся, чистую Деву молившая, да удостоит припасть ко Кресту;

Радуйся, Божию Матерь просившая, да приведет тебя ко Христу.

Радуйся, Деве святей обещавшая выйти из моря страстей;

Радуйся, Деву святую просившая заступницей быти твоей.

Радуйся, яко Споручницей скоро в молитве услышана ты;

Радуйся, тотчас свободно смогла ко Кресту подойти.

Радуйся, древо умильно лобзавшая, на немже распят был Христос;

Радуйся, всем существом трепетавшая, потоки излившая слез.

Радуйся, решение твердо приявшая не возвращатися вспять;

Радуйся, в руце Христовы избравшая душу свою отдать.

Радуйся, Преподобная Мати Марие, от страсти плотския нас избавляющая.

Кондак 2

Видя неизреченную любовь Божией Матери к тебе, Преподобная, яко по слезной молитве в той же час сотвори невозбранный твой вход к Пречистому Древу Креста в праздник честнаго его воздвижения и сподоби облобызати оное, ты же в радостном трепете о милости Божией воспела Ему: Аллилуия.

Икос 2

Разумом и сердцем своим прияла еси, Святая Марие, неуклонное решение отныне не возвращатися на путь страстей, во умилении сердца моляше Пресвятую Богородицу указати ти место спасения, и внезапу услышала еси таинственный глас, указующий таковым местом пустыню Иорданскую. Приими от нас, Преподобная, похвалу сицевую:

Радуйся, Заступницу Мира благодарившая за невозбранный вход ко Кресту;

Радуйся, Споручницей Деву избравшая отныне служить токмо Христу.

Радуйся, чистую Деву молившая спасения ти путь указати;

Радуйся, от иконы приемшая местом подвига пустыню избрати.

Радуйся, тот час отрешившая мира сего суету;

Радуйся, в лодке отплывшая по Иорданову сторону ту.

Радуйся, Божией Материю в пустыни хранимая ты;

Радуйся, миром греховным незримая, избегла его суеты.

Радуйся, наветы диавола Крестом отражавшая вси;

Радуйся, в подвизе тяжцем со Христом пребывала еси.

Радуйся, страхи и глад Спасителя ради терпевшая;

Радуйся, прелести мира сего ради Него презревшая.

Радуйся, Преподобная Мати Марие, от страсти плотския нас избавляющая.

Кондак 3

Силою свыше укрепляемая, пребыла еси в пустыне, Преподобная Мати Марие, помощию Господа хранимая в тяжцей борьбе со страстьми, яко с лютыми зверьми, мучимая жаждой и гладом, выну воспевая Ему: Аллилуия.

Икос 3

Преподобный Зосима, имея велие желание видети воистину избранника Божия, высотою своего жития его превозсшедшаго, егда наступиша дни святыя Четыредесятницы, отъиде в пустыню за Иордан и обрете волею Божиею тебе, Преподобная, ты же смирения ради, не хотяще явитися людем, прежде бежала еси от него, послежде умолена быша преподобным, удостоила еси его беседы с тобою, не возгнушайся и нашей беседы смиренныя, угоднице Божия, и приими похвалу сицевую:

Радуйся, покаяние в пустыне приносившая;

Радуйся, слезами сию землю оросившая.

Радуйся, денно и нощно о гресех своих молившая;

Радуйся, подвигом многотрудным небесной высоты достигшая.

Радуйся, от смрада житейскаго ушедшая;

Радуйся, в пустыне покой обретшая.

Радуйся, за подвиги Христом возвеличенная;

Радуйся, прозорливостию Господом отличенная.

Радуйся, яко по имени Зосиму назвала еси;

Радуйся, прославленная еще на земли.

Радуйся, Преподобная Мати Марие, от страсти плотския нас избавляющая.

Кондак 4

Бурею священнаго ужаса объят бысть преподобный, яко ты, николиже знавшая его по имени, авва Зосима назвала еси, и он умоли тя рассказати ему житие твое дивное. Ты же, смиренная угоднице Божия, не утаила еси пред ним прежней своей греховной жизни, да прославится в тебе Господь, щедро награждающий кающихся. Мы благодарим Создателя, моляще Его, да не отринет Он и нашего покаяния, и в радостном уповании поем Ему: Аллилуия.

Икос 4

Слышаше преподобный Зосима, како ты с мужеством перенесла еси вся тяжести пустыннаго жития в борьбе с искушениями и диаволом, удивишася и со умилением к тебе взываше:

Радуйся, в пустыне только кореньми питавшая тело твое;

Радуйся, на Господа печаль возложившая, да не оставит создание свое.

Радуйся, многия скорби понесшая в подвизе тяжцем твоем;

Радуйся, в рай возшедшая, увенчанная светлым венцем.

Радуйся, Божиим Духом в пустыне Писанию научена ты;

Радуйся, Им Всеблагим вручены ти дары святой красоты.

Радуйся, Духа Святаго чистейшим сосудом сподобилась быти;

Радуйся, на труднем пути для Бога стремилась пожити.

Радуйся, руку на плуг положившая, не возвратишася вспять;

Радуйся, всем существом Христа полюбившая, приявшая Его благодать.

Радуйся, прекраснейшим крином в знойной пустыне цвела;

Радуйся, фимиамом благоуханным для Господа Бога была.

Радуйся, Преподобная Мати Марие, от страсти плотския нас избавляющая.

Кондак 5

Боготочною кровию искупивый ны, Господи, не призвал еси праведныя, но грешныя на покаяние, сподоби и нас подражати житию твоея угодницы Марии, и во веки благодарным сердцем славословити Тя райскою песнею: Аллилуия.

Икос 5

Видев Зосима тя, Преподобная, стоящую на воздусе и молящуюся, трепетом объят бысть, недоумевая, како, в падении пребывающая ранее, толицей благодати сподобилася еси, и умиленно возблагодарив Господа, воспеша таковая:

Радуйся, святостию жизни достигшая дара предвидения ты;

Радуйся, монастырския тайны раскрывшая пред Зосимой своими усты.

Радуйся, Ангелом уподобилась блистанием неземной чистоты;

Радуйся, яко в молитве на воздусе стояти сподобилась ты.

Радуйся, пред Зосимою строгия подвиги скрыла свои;

Радуйся, с неба явленная многая пред ним утаила еси.

Радуйся, ради святаго спасения хранила их в сердце вси;

Радуйся, молчати себе повелевшая до кончины своей.

Радуйся, прославленной быть не восхотевшая на земли от людей;

Радуйся, сорок семь лет сокрытою пребывала в пустынном своем житии.

Радуйся, такожде со стези покаяния хотяще неведомой всем отойти;

Радуйся, Преподобная Мати Марие, от страсти плотския нас избавляющая.

Кондак 6

Проповедуют Ангели на небеси чудное твое житие, блаженная пустыннице, яко ты в немощнем телеси стяжала велию силу духа и сокрушила еси козни сатанинския. Мы же вкупе со Ангелы прославляем Господа, давшаго тебе крепость Своею благодатию, и поем Ему: Аллилуия.

Икос 6

Возсия в ти, Угоднице Божия, велия жажда вкушания Пречистых Тайн Христовых, и ты просиша Зосиму явитися в будущее лето в день святаго Великаго Четверга со святыми Дарами на берег реки Иордан, да сподобишися ты сего святейшаго Дара. Мы, прославляя в тебе ревность соединения со Господом нашим Иисусом Христом, похвальная восписуем ти:

Радуйся, жаждой святою томимая причастия ради святых Даров;

Радуйся, в сердце твоем бысть хранимая ко Господу Богу любовь.

Радуйся, яко всю себе уневестила нашему Спасу Христу;

Радуйся, кротость, смирение стяжавшая и Ангельскую чистоту.

Радуйся, скоро с Зосимой простилася, жено святой красоты;

Радуйся, тут же в пустыни сокрылася от глаз старца ты.

Радуйся, яко драгую жемчужину, мысль о тебе он унес;

Радуйся, яко весь путь до обители был им омочен от радостных слез.

Радуйся, долго в очах его старческих образ твой чудный стоял;

Радуйся, токмо чрез лето свиданием старец себя утешал.

Радуйся, Преподобная Мати Марие, от страсти плотския нас избавляющая.

Кондак 7

Хотяше соблюсти устав святыя обители, отпустиша игумен иноцы своя на подвиг молчания и наивящей молитвы в пустыни дальния. Преподобный же Зосима не можаше отправитися болезни ради, о нейже ты предрекала ему, Святая Марие, с радостным трепетом ожидаше Великаго Четверга, воньже день условия ради ты обещашася причаститися, и преклоняшеся пред непостижимыми судьбами Божиими, воспеша Богу: Аллилуия.

Икос 7

Новым священным трепетом объята бысть душа преподобнаго старца, егда насташа Великий день совершения тайныя Вечери Господом нашим Иисусом Христом, и взяше с собою святейшия Дары, идоша на берег святыя реки причастити тя, Мати блаженная, мы же вкупе со святым старцем благоговеем пред Господом, идущим к тебе в пречистых Своих тайнах . И тебе, достойней невесте Сладчайшаго Жениха, с любовию шествующей на брак Агнчий, умиленно взываем:

Радуйся, яко святым Иереем исполнена просьба твоя;

Радуйся, яко со святыми Дарами прииде на берег он, трепеща.

Радуйся, яко в ночь страсти Христовой хотяще причастницей быти;

Радуйся, яко страданий участница на небеси будешь с Господом жити.

Радуйся, яко смути преподобнаго долгим отсутствием ты;

Радуйся, яко в сиянии месяца ты показалаь в дали.

Радуйся, знамением крестным Иордан осенила рукой;

Радуйся, по воде, яко по суху, пошла ты рекой.

Радуйся, видением сим дивным в трепете бысть Иерей;

Радуйся, его ты успокоила речью святою своей.

Радуйся, Преподобная Мати Марие, от страсти плотския нас избавляющая.

Кондак 8

Странники и пришельцы вси есмы на земли, по глаголу апостола, странницей пребыла и ты в пустыне до дне своего преставления, Агнице Христова Марие, да от Иерусалима земнаго переселишися в Иерусалим Горний, славословиши Творца святою райскою песнею: Аллилуия.

Икос 8

Весь сладость, все твое желание бысть Господь Иисус Христос, Егоже ты с трепетом принимаше в пречистых тайнах из рук блаженнаго старца. И мы, взирая на тя, поистине достойную причастницу сего святейшаго Дара, с любовию зовем ти:

Радуйся, в тайнах святых обрученная с Безсмертным твоим Женихом;

Радуйся, Им за сие украшенная райским нетленным венцем.

Радуйся, по приятию Божиих Даров предстала в ангельском свете;

Радуйся, яко Зосима без страха не можаше на тя смотрети.

Радуйся, светом небесным блистая, Симеона молитву прочла;

Радуйся, ангельский кроткий свой взор к небу тотчас возвела.

Радуйся, пищи небесной вкусившая, земной не хотяще приняти;

Радуйся, дары любве у Зосимы зерна три решила ты взяти.

Радуйся, Преподобная Мати Марие, от страсти плотския нас избавляющая.

Кондак 9

Весь ангельский чин и человецы благословляху Господа, како Он совершаше силу в немощных людех, укрепляше и тя, многопобедная угоднице Божия, в подвизе твоем пустыннем терпяще убо в обнаженнем своем телеси и хлад, и зной нестерпимый, к тому же и страх, и глад, и многия злохитрыя искушения от диавола. Ты же за таковую помощь от Господа выну воспевала Ему: Аллилуия.

Икос 9

Витийствующий язык не можаше изрещи, яже творишися в душе праведнаго Зосимы по уходе твоем, таинственная пустыннице, ты образом своим, исполненным благодати Духа Святаго, вперила духовный взор старца в размышления горняя, како Бог перстнаго человека всемогуществом Своим подымаше до Ангельския высоты, приими вкупе с Зосимою и нашу смиренную похвалу:

Радуйся, яко в пустыни стремилася к беседе со Ангелы ты;

Радуйся, душу свою сохранившая от грешной мирской суеты.

Радуйся, денно и нощно молилася незримая мира в глуши;

Радуйся, яко от всех удалилася спасения ради души. Радуйся, токмо лишь звезды небесныя быша свидетели слез;

Радуйся, в минуты сии чудесныи взирал на тебе Сам Христос.

Радуйся, яко Споручница дивная руководила тобой;

Радуйся, Ея помощию сильною в вечный достигла покой.

Радуйся, старца просившая в пустыни чрез лето придти;

Радуйся, в Зосиму надежду вселившая вновь тебя обрести.

Радуйся, Преподобная Мати Марие, от страсти плотския нас избавляющая.

Кондак 10

Спастися хотящим нам буди молитвенницей у Престола Всевышняго, Преподобная Мати, да и мы с помощию твоею, избегши искушений всяческих, сподобимся вкупе с тобою выну славословити Господа и пети Ему: Аллилуия.

Икос 10

Стена еси всем подвижникам, Пресвятая Богородице, от злохитрых козней диавола спасла еси избравшую Тя Споручницей пред Сыном сладчайшим Твоим, не посрамила еси ея упования, Пречистая, и довела до вожделенных врат рая. Сподоби нас грешных достойно восхвалити святую угодницу твою Марию песнопениями сими:

Радуйся, яко старец с радостным трепетом ожидаше встречи дня;

Радуйся, сей мыслею сладостной он утешал себя.

Радуйся, яко в поста дни великие в пустыню с надеждою шел;

Радуйся, яко до места свидания в радости шествовал он.

Радуйся, волнений исполненный, Зосима искаше тебя;

Радуйся, яко в небесном сиянии на песце он нашел тебя.

Радуйся, с миром сим разлученная, отошла ты в вечный покой;

Радуйся, в горьком рыдании с молитвой склонился он над тобой.

Радуйся, яко давно пресилилася в дивный и славный чертог;

Радуйся, в вечную радость небесную ушла от скорбей и тревог.

Радуйся, Преподобная Мати Марие, от страсти плотския нас избавляющая.

Кондак 11

Пением ангельским восхваляемая и сонмом их окруженная, вознесеся душа твоя праведная ко престолу Всевышняго во гласе радования воспевати Господа Богокрасною песнею: Аллилуия.

Икос 11

Святым Духом Божиим озарен бысть лик твой, преподобная, старец же Зосима в велие смущение прииде, яко не уведе имени твоего, блаженная, абие узре надпись у главы твоея, начертанную бысть на земле: "Погреби, авва Зосима, здесь тело смиренной Марии, отдай прах праху, моли Бога за мя, скончавшуюся в месяце апреле, в первый его день, после приобщения Божественных Тайн".

Радуйся, яко уведе Зосима о дни преставления;

Радуйся, яко смиренной Марией сама назвала себя.

Радуйся, яко преставилась Богу в лето прошлое ты;

Радуйся, в день святаго причастия сподобилась ты отойти.

Радуйся, к старцу внезапно из пустыни лев подошел;

Радуйся, могучими лапами вырыл могилу он.

Радуйся, яко с молитвой горячей предал земле он твой прах;

Радуйся, яко долго стоял над могилою в умильных слезах.

Радуйся, тихо устами дрожащими старец молитву читал;

Радуйся, в судьбах Непостижимаго с любовию он прославлял.

Радуйся, Преподобная Мати Марие, от страсти плотския нас избавляющая.

Кондак 12

Благодать испроси нам у Бога, чистая Христова невеста Марие, да помилует Он нас в день страшнаго суда Своего и да причислит к избранному своему стаду, и сподобит выну воспевати Ему: Аллилуия.

Икос 12

Поюще твое покаяние, емуже удивишася Ангелы на небеси, и вси страдания твоя безпримерныя, ихже не может изрещи язык человеческий, мы с любовию и радостию вопием ти:

Радуйся, яко за плоть обнаженную чудною ризой покрыта в раю;

Радуйся, зноем в пустыне сожженная, небесной прохлады вкушаешь струю.

Радуйся, глад постоянный терпевшая, сладчайшим насыщена хлебом Христа;

Радуйся, всякия скорби понесшая, радости глас произносят уста.

Радуйся, в тяжцей борьбе со диаволом пребывала семнадцать лет;

Радуйся, за эту победу прославлена, окружи тя дивный свет.

Радуйся, яко премудрыя девы, не погасила светильник свой;

Радуйся, яко от Крестнаго Древа ко Господу путь был направлен твой.

Радуйся, Деве Святой обещавшая, Ея помощию не сбиться с пути;

Радуйся, много в пустыни страдавшая, сумела с пути не сойти.

Радуйся, яко знамением крестным разрушила козни врагов;

Радуйся, яко ныне вкушаеши от Божиих щедрот и даров.

Радуйся, Преподобная Мати Марие, от страсти плотския нас избавляющая.

Кондак 13

О, Святая, всехвальная и многопобедная угоднице Христова Марие, покаяния образ преизящнейший! Молим Тя, испроси нам у Господа Бога силу Его благодати загладити и нам тьму грехов наших с сокрушенными слезами о них, и да сподобимся в обители покаявшихся получити утешение вечное по неложному обещанию, и с лики Ангельскими воспевати Пресвятую Троицу ангельскою песнею: Аллилуия, Аллилуия, Аллилуия.

Икос 1

Ангели изумевшася внезапной перемене в тебе, Преподобная Мати, како ты во единем часе оставила еси широкий путь, ведущий в пагубу, и вступила на узкую стезю спасения. Приими от нас, Угоднице Христова, сие радостное пение:

Радуйся, чистую Деву молившая, да удостоит припасть ко Кресту;

Радуйся, Божию Матерь просившая, да приведет тебя ко Христу.

Радуйся, Деве святей обещавшая выйти из моря страстей;

Радуйся, Деву святую просившая заступницей быти твоей.

Радуйся, яко Споручницей скоро в молитве услышана ты;

Радуйся, тотчас свободно смогла ко Кресту подойти.

Радуйся, древо умильно лобзавшая, на немже распят был Христос;

Радуйся, всем существом трепетавшая, потоки излившая слез.

Радуйся, решение твердо приявшая не возвращатися вспять;

Радуйся, в руце Христовы избравшая душу свою отдать.

Радуйся, Преподобная Мати Марие, от страсти плотския нас избавляющая.

Кондак 1

Избранной Богом от падшаго рода, подвигом тяжким стяжавшей велию славу на небеси, мы, земнороднии, смиренно взываем: святая Марие, моли за нас Господа Бога, да исхитит нас из рова страстей, похвальная ти воспевающих:

Радуйся, Преподобная Мати Марие, от страсти плотския нас избавляющая.

Молитва

О, святая и великая угоднице Христова Марие! Ангелы удивившая безпримерным подвигом своим. Молим тя, блаженная, предстоя ныне у Престола Всесвятыя Троицы, умоли Господа, обретшая велие дерзновение пред Ним, да сподобит Он и нас, подобно тебе, покаятися в тьмочисленных согрешениях наших, и да простит нас, и да наказав ны зде по Своему человеколюбию, не погубит нас и в будущем веце. Моли, святая Марие, Пресвятую твою Споручницу, укрепившую тя в подвизе твоем тяжцем, да укрепит Она и нас, Всесвятая, всесильною помощью Своею, на сем земном тернистом пути, и яко ты, облобызав с верою и любовию Всечестный Крест Христов, восприяла благодать Его Всесильную в борьбе со диаволом, миром и плотию, упразднив вси козни сатаны, тако и мы сподобимся помощию Животворящаго Древа Креста Господня, разрушати преграды греха к достижению горняго царствия и, удостоившись вечныя жизни, вкупе с тобою выну воспевати Пресвятую Троицу в Единем существе, Отца и Сына и Святаго Духа, во веки веков. Аминь.

Тропарь, глас 8-й

В тебе, мати, известно спасеся еже по образу: приимши бо крест, последовала еси Христу, и деющи учила еси презирати убо плоть, преходит бо, прилежати же о души, вещи безсмертней. Темже и со aнгелы срадуется, преподобная Марие, дух твой.

Кондак, глас 3-й

Блудами первее преисполнена всяческими, Христова невеста днесь покаянием явися, ангельское жительство подражающи, демона креста оружием погубляет. Сего ради Царствия невеста явилася еси, Марие преславная.

Величание

Величаем тя, преодобная мати Марие, и чтим святую память твою, наставнице монахов и собеседнице Ангелов.

Седален, глас 8

Взыграния вся плотская обуздавши болезньми постническими, мужественное показала еси души твоея мудрование: Креста бо возжелевши образ видети, себе приснопамятная миру распяла еси, отонудуже и к ревности жития непорочнаго усердно воздвигла еси себе, всеблаженная Марие преславная. Моли Христа Бога грехов оставление подати чествующим любовию святую память твою.



Похожие документы:

  1. Пособие для семьи с наставлениями священника и советами детского врача Предисловие

    Документ
    ... Спасителя. Это служба с акафистом Страстям Христовым. Остальные три ... Мариино стояние. Служба посвящена преподобной Марии Египетской. На этой службе полностью ... Богородицы; на утрене читается Акафист Богородице с особыми праздничными песнопениями ...
  2. Перечень духовно-культурных центров Русской православной церкви

    Документ
    ... мощей). Частица мощей преподобного Амвросия Оптинского, преподобного Максима Грека, преподобной Марии Египетской (находятся в кресте-мощевике ... и помогают людям. В ней ежедневно читаются акафисты, служатся литии и панихиды. По благословению ...
  3. Храмы села грабцево (успенское)

    Документ
    ... «Угодно Госпоже помещицы Марии Димитриевны Татищевой по завещанию ... благоверного князя Александра Невского и преподобной Марии Египетской. Посреди церкви паникадило бронзовое с ... апостолам Петру и Павлу с акафистом. Теперь сомнений не остаётся, ...
  4. Литургика Введение

    Документ
    ... Преподобным: «Преподобне отче Андрее, или Серафиме, моли Бога о нас», «Преподобная мати Марие ... четверток присоединяется канон преп. Марии Египетской. В 1-ую субботу Великого ... Которая потому и прославляется в акафисте, как «Взбранная Воевода». ...
  5. Книга основана на курсе лекций, читаемых Ириной Константиновной в университете И. К. Языкова

    Документ
    ... , которым Богоматерь величается в Акафисте и других гимнографических произведениях. ... головой. Обычно так пишут Марию Египетскую в знак ее аскетично- ... Основателем столпничества христианская традиция считает преподобного Симеона Столпника. СТРАШНЫЙ СУД ...

Другие похожие документы..