Поиск

Полнотекстовый поиск:
Где искать:
везде
только в названии
только в тексте
Выводить:
описание
слова в тексте
только заголовок

Рекомендуем ознакомиться

'Документ'
По мере выхода Заведующий ДОУ 1.3 Разработка локальных актов (Положение о внутреннем мониторинге ДОУ, программу мониторинга) Ноябрь Заведующая Зам....полностью>>
'Конкурс'
-привлечь внимание педагогической общественности, к проблеме воспитания подрастающего поколения и молодёжи на достойных идеалах в духе возрождения дух...полностью>>
'Документ'
15 1 .30 -19.15 11.00-13.15 18 ДЮСШ -1 Кузнецова М.А. НП - № 17 НП 1 № 1 15.15 – 17.00 15.15 –17.00 18.30 - 0.00 15.15 – 17.00 18.30 - 0.00 15.00-1 ....полностью>>
'Программа'
Данная программа составлена в полном соответ­ствии с федеральным компонентом государственно­го стандарта среднего (полного) общего образования на базо...полностью>>

Главная > Документ

Сохрани ссылку в одной из сетей:
Информация о документе
Дата добавления:
Размер:
Доступные форматы для скачивания:

ТРОПАРЬ святому праведному ВОИНУ ФЕОДОРУ, глас 1:

Державе Российстей архистратиг непобедимый явился еси, / агарянскую злобу нивочтоже вменив и разорив: / ни славы мирския, ниже богатства взыскуя, / но Богу и ближнему послужил еси. / Моли, святе Феодоре, / воинству нашему даровати на враги одоление, / Отечеству во благочестии непоколебиму пребыти, // и сыновом Российским спастися.

Кондак святому праведному ВОИНУ ФЕОДОРУ, глас 2:

Архистратиже Российский, / служителю народа Божияго, / нищих и угнетенных свободителю, / нечестивых наказателю, / полезное нам проси и велию милость, // яко споборник наш праведне Феодоре.

Величаем тя, / святый праведный воине Феодоре, / и чтим святую память твою, / ты бо молиши о нас // Христа Бога нашего.

Канон святому праведному воину феодору, глас 1:

Песнь 1

Ирмос: Поим Господеви песнь новую, непроходимое бо оземленив Чермное, пешешествовати сотвори сыном Израилевым, и сопротивныя враги покры море.

Припев: Святый праведный воине Феодоре, моли Бога о нас.

Просвети ми ум и озари моя чувства, согрешений мрак души моея отгнав, Христе Боже, да чистою совестию возмогу песнь составити и возвеличити Твоего угодника, праведнаго воина Феодора.

Святый праведный воине Феодоре, моли Бога о нас.

Архистратиже непобедимый Российския земли, якоже второе солнце деяньми сияя, всех нас поминай, совершающих память твою, Феодоре многославне.

Слава: Воистину в мори путие твои, победоносче Феодоре, и стези твоя безбожным агаряном на разорение в водах многих, и следы твоя, архистратиже земли Русския, врагом не познаются.

И ныне: Законов кроме естественных, Дево, родила еси законодавца Бога, Человека бывша. Того, яко Содетеля и Судию, моли, Всенепорочная, вся наша беззакония презрети.

Песнь 3

Ирмос: Да утвердится сердце мое в воли Твоей, Христе Боже, Иже над водами небо утверждей второе и основавый на водах землю, Всесильне.

Святый праведный воине Феодоре, моли Бога о нас.

Предстояще Господу со безплотными силами, неизреченною славою блистающе, праведне Феодоре, за ны молися, творящия честную и преславную память твою.

Святый праведный воине Феодоре, моли Бога о нас.

Милование стяжал еси христоподражатель-ное, раздавал еси богатство требующим, Небесное богатство ходатайствующее тебе, еже и получил еси, Феодоре.

Святый праведный воине Феодоре, моли Бога о нас.

Ни молва мирская, ни чинов и наград вручение, ни слава тленная твоей яже по Бозе простоты уставиша, Феодоре, но благоволил еси воистину Божественным деянием.

Слава: Избавляеши обитель твою от лютых обстояний и чтущия тя от потопления в водах, яко предстатель верен и молитвенник изряден, Феодоре преславне.

И ныне: Яко воистину Господь воцарися, Царствием неотпадающим, и облечеся псаломски из Тебе, Богомати, в краснейшее благолепие, плоть святую, еюже смерть прият и разруши ея царство.

Господи, помилуй (трижды).

Седален, глас 3:

Буди скорый в бедах утешитель, во бранех предстатель, во градех и странах вся люди неисчетною милостию покрывая, праведне Феодоре, молися Христу Богу о чтущих святую память твою.

Слава, и ныне: Слове Божий, Иже рождейся от Девы Богоотроковицы, Тоя ходатайствы священными и праведнаго Феодора Твоего, Спасе, всякаго обстояния и всякия нужды избави души наша.

Песнь 4

Ирмос: Разумех, Всесильне, Твое смотрение и со страхом прославих Тя, Спасе.

Святый праведный воине Феодоре, моли Бога о нас.

Господи, услышахом дивная, яже сотворил еси велиим Феодором, и ужасохомся.

Святый праведный воине Феодоре, моли Бога о нас.

Восхваляем благость Твою, Господи, еюже исполнил еси праведнаго Феодора, разумеем, Всесильне, смотрение Твое и ублажаем угодника Твоего предивнаго.

Слава: Твою поминаем, Боже, милость, юже явил еси в Феодоре человеколюбнем.

И ныне: Кто изочтет силы Твоя, Чистая? Но пощади нас, изми из глубины греховныя и настави на благое покаяние безвозвратно.

Песнь 5

Ирмос: Яко просвещение наше сый, Христе, просвети нас, Защитителю жизни нашея, сохрани ны, надеющияся на Тя.

Святый праведный воине Феодоре, моли Бога о нас.

Просвети твое житие всю вселенную, святе Феодоре, правоверными делы сияющее, яко солнце, Триличнаго Божества зарею просвещаемь.

Святый праведный воине Феодоре, моли Бога о нас.

Иже на мори быв флотоводец искусен и непреборимь, испроси наследию твоему мужество и веру непоколебиму, отгоняя присно врагов шатания.

Святый праведный воине Феодоре, моли Бога о нас.

Завистию и злобою одержими лжесоюзницы, козни деяху тебе, ты же из глубины сердца вопиял еси: сохрани мя, Господи, надеющагося на Тя.

Слава: В жизни временней никаяже рана коснуся телеси твоему, обаче по преставлении, поругание многое от злых человек потерпеша честныя мощи твоя, умножающе тебе, Феодоре, славу на Небесех.

И ныне: Воспойте, вся земли, пойте же Возсиявшему из чрева боголепно Неискусобрачныя и Сию верным показавшему тверду надежду и похвалу.

Песнь 6

Ирмос: Обыде нас последняя бездна, несть избавляяй, вменихомся яко овцы заколения, спаси люди Твоя, Боже наш, Ты бо крепость немощствующих и исправление.

Святый праведный воине Феодоре, моли Бога о нас.

Православную страну Российскую благомило-сердно пощади, и милостивно утверди, Боже наш, мир и любовь и здравие всем даруя, Феодора молитвенника имея ходатая о нас.

Святый праведный воине Феодоре, моли Бога о нас.

Укроти, воеводо святый Феодоре, находы злотворных человек и из рук их исхити, гонящих и расхищающих немилостивно.

Слава: Молитвами предваряя к Богу и Тому предстоя со Ангелы, за весь мир молися, брань неприязненную всю потребити и победу известну дати на сопостаты воинству нашему.

И ныне: На небеси Архангели и Ангели, Херувими и Серафими славят, на земли же вси людие раболепно покланяются Рождеству Твоему, сего ради молим Тя, Владычице: спаси души наша.

Господи, помилуй (трижды). Слава, и ныне:

Кондак, глас 2:

Архистратиже Российский, служителю народа Божияго, нищих и угнетенных свободителю, нечестивых наказателю, полезное нам проси и велию милость, яко споборник наш, праведне Феодоре.

Икос

Всечестную память почтим угодника Христова, великаго Феодора, храбраго воина на сопостаты и кормчаго благоутишна, радостными глаголы от сердца воззовем к нему, сице вопиюще: Радуйся, дела благая со тщанием творивый; радуйся, управителю мудрый и терпеливый. Радуйся, врачу усердный и милостивый; радуйся, молитвенниче теплый и неутомимый. Радуйся, воеводо праведный и непобедимый; радуйся, рабе Божий, кроткий и человеколюбивый. Радуйся, враги злочестивыя смиряяй и устрашаяй; радуйся, и ныне со Ангелы и всеми святыми за ны моляйся. Радуйся, воине Феодоре, архистратиже державы Российския.

Песнь 7

Ирмос: По множеству милости Твоея, Человеколюбче, сотвори с нами, да Тебе верно вси воспевающе поим, якоже отроцы: благословен еси Боже отец наших.

Святый праведный воине Феодоре, моли Бога о нас.

Велия подвиги совершил еси, несумненную веру имея, споспешествуемый молитвами сродника твоего, преподобнаго Феодора, взывающаго: благословен еси Боже отец наших.

Святый праведный воине Феодоре, моли Бога о нас.

Кротостию и простотою душевною к себе привлекая, и царицу сим удивил еси, и дары от нея почтен, взывал еси: благословен еси Боже отец наших.

Слава: Скорбьми утесняемь отовсюду, терпел еси вся, и на Человеколюбца надежду возложив, вопиял еси: благословен еси Боже отец наших.

И ныне: Надеждо всем, Госпоже Богородице, разгони, Владычице, враги души моея и направи мя на стезю праву. Пощади, Помощнице и Надеждо христианская, Сыну Твоему зовущих: благословен еси Боже отец наших.

Песнь 8

Ирмос: Песнь Тебе приносим безплотных, якоже отроцы в пещи, и поюще глаголем: благословите вся дела Господня Господа.

Святый праведный воине Феодоре, моли Бога о нас.

Пищи безсмертныя, Тела и Крови Христовы сподобився причаститися, богомудре, душу твою Небесному Царю и Владыце предал еси, взывая: благословите вся дела Господня Господа.

Святый праведный воине Феодоре, моли Бога о нас.

Украшен мудростию и разумом просвещен, смирением сердца лепотствуя, к мысленным прешел еси двором, идеже воспеваеши: благословите вся дела Господня Господа.

Слава: Тобою, праведне Феодоре, земля Темниковская вельми хвалится: в ней бо последния дни благочестно пожив, спасение соделав, Бога Всещедраго и Милостиваго чтити научил еси, зовый: благословите вся дела Господня Господа.

И ныне: Егоже родила еси, Владычице, присно моли работы избавити мя страстей, и осужде-ния, и одержащаго мя лютаго отчаяния, и оскорбляющих мя удержания, Чистая Богорадованная.

Песнь 9

Ирмос: Радуйся, Пресвятая Богоприемная Марие, радуйся Пречистая, падших упование: из Тебе бо явися нам Владыка: о, чудесе! обновляяй истлевшия и к Свету возводяй невечернему, Отроковице.

Святый праведный воине Феодоре, моли Бога о нас.

День празднственный и пользы ходатайст-венный честный твой совершаем: ты бо Господень угодник и Того заповедей делатель явился еси неослабен, досточудне Феодоре.

Святый праведный воине Феодоре, моли Бога о нас.

Зарею трисолнечныя благодати сияя, светле твой праздник творящих озари и страстнаго омрачения демонскаго избави, Феодоре преславне.

Слава: Святителие и монаси, священницы и простии, воини и людие, светло предыграйте и память святаго сына России в песнех возвеличайте.

И ныне: Света приятелище утроба Твоя бысть, просвещающаго мир, Богорадованная. Темже молим Тя: светлу зарю подаждь нам, Богоневесто, мольбами Феодора доблемудраго.

Молитва святому праведному воину феодору

О преславный защитниче земли Русския и веры православныя усердный поборниче, непобедиме воине Феодоре! Никая благо-дарственная словеса, ниже изящная витийства довлеют, во еже прославити праведное и дивное твое житие, понеже измлада крепкую веру во Христа и любовь ко Отечеству стяжав, благо-плодное прозябение честных родителей явился еси. Сего бо ради, Божию дару тезоименит, стране своей в скорбная времена браней противу иноплеменных вождь победоносен показался еси. Праведным бо воеводам подражая, не числом и умением токмо, но паче верою враги побеждал еси, силу благочестия истиннаго показуя. Темже любовию к тебе распаляеми, воспеваем многия добродетели твоя: велию любовь ко Господу и ближним, зане тех ради живот полагал еси; чистоту ангелоподобную, яко вся воздержанием удивил еси; нестяжание истинное, ибо благая и красная мира сего презрел еси.

Ей, преблаженне Феодоре, угодниче Божий, благоверный болярине, земли Русския защитниче! Призри на убогое моление наше, из греховного плена к тебе возносимое. Приклони на милость Господа нашего Иисуса Христа, да не воздаст нам по делом нашим, но обаче дарует грехов оставление, избавит от злых, находящих на ны; подаст властем нашим о народе усерд-ное попечение, воинству - мужество в ратех, народу - благочестие трезвенное, и сподобит нас достигнути безмятежнаго пристанища во Царствии Небеснем, идеже со всеми святыми сподобимся прославляти всесвятое имя Отца и Сына и Святаго Духа во веки веков. Аминь.

Молитва иная:

Приникни, праведне воине Феодоре, с горних селений на притекающих к тебе и вонми молению нашему: святым твоим предстательством умоли Господа Бога даровати всем нам еже ко спасению от Него просимое. Ты великое, возложенное на тя служение тщательно проходил еси, и нас твоею помощию пребывати коегождо, в неже звание призван есть, настави. Ты, победивший супостатов множества, и на нас ополчающихся всех видимых и невидимых врагов низложи. Умоли Господа Бога даровати стране нашей крепкий и ненарушимый мир, земли плодоносие, пастырем святыню, властем законным правду и силу, военачальником мудрость и доблесть непобедимую, флоту твоему Российскому и всему воинству нашему преданность вере и Отечеству и мужество неодолимое, всем же православным христианом здравие и благочестие. Сохраняй страну нашу Российскую, обитель свою, град наш и люди от всех наветов вражиих, да словом и делом прославляется в нас всесвятое имя Отца и Сына и Святаго Духа, ныне и присно, и во веки веков. Аминь.



Похожие документы:

  1. Литургика Введение

    Документ
    ... тропарь праздника единожды; на бдениях великих святых — тропарь святому, слава, и ныне, Богородичен воскресен по гласу тропаря святого ... надругательства воинов и ... Святых Богоотец. В нее совершается память святых и праведных ... пение св. Феодору Тирону с ...
  2. Пособие для семьи с наставлениями священника и советами детского врача Предисловие

    Документ
    ... Святым Духом. Аминь. Молитва святому праведному СИМЕОНУ, Верхотурскому чудотворцу О святый и праведный ... Кондак преподобному ФЕОДОРУ Студиту, глас 2 Постническое ... мученику ИОАННУ Воину О великий ... Тропарь бессребреникам и мученикам КИРУ и ИОАННУ, глас 5 Святии ...
  3. М. М. Дунаев Вера в горниле сомнений православие и русская литература в XVII xx вв

    Литература
    ... и великие святые подвижники, воины Христовы (и ... мире. Только глас Бога превращает человека ... судеб царства. Кротость Феодора, сопровождаемая наивной ... святых: святителя Филарета (Дроздова) и святого праведного ... , слова Рождественского тропаря: "...звездою учахуся ...
  4. Богослужение Русской Церкви Х-XX вв

    Документ
    ... 8-го гласа, служба 7-го гласа не ... . Начиная с Феодора Иоанновича, который ... знака праздника, отпустительного тропаря и кондака. Это ... новая полиелейная служба святым праведным Захарии и Елисавете ... 1903 г. поминовение усопших воинов совершалось в войсках в ...
  5. Ii о боге спасителе и особенном отношении его к роду человеческому

    Документ
    ... веков. Учеником Феодора был Несторий. Феодор является у нестори- ... мысль выражена в известном тропаре: "Во Гробе плотски ... анафематизм V Вселенского Собора гласит: "Если кто говорит, ... является боговдохновен-ным. Святая праведная Елисавета исповедала Пресвятую ...

Другие похожие документы..